Vialia Vigo La movida

Unha zona de aseos públicos no centro comercial Vialia Vigo, cun deseño que rende homenaxe á emblemática Movida Viguesa.

A mediados dos anos oitenta xurdiu na cidade un movemento innovador e rupturista que abarcou os eidos cultural, musical e artístico. Nunha sociedade que saía dunha crise económica e aínda loitaba contra un alto índice de desemprego, a Movida Viguesa supuxo unha ruptura co pasado e unha apertura catártica a novas posibilidades.

Grupos como Siniestro Total, Golpes Bajos, Os Resentidos e Aerolíneas Federales encarnan as formacións máis destacadas da época, deixando tras de si himnos musicais con letras como "Malos Tiempos para la Lírica", "Miña Terra Galega" e "Fai un Sol de Carallo".

O deseño interior baséase na iconografía característica dos anos 80. Paredes revestidas cun acabado que imita o coiro en homenaxe ás cazadoras de coiro de estilo rockeiro e decoradas con insignias de grupos punk altérnanse con superficies que mostran ilustracións gráficas icónicas inspiradas na realidade do Vigo de mediados dos 80: o Scalextric, el Manco, Siniestro Total, Matar hippies en las Cíes...

Entre os elementos clave que achegan un toque distintivo ao espazo destacan os espellos principais da zona de lavabos, deseñados con forma de discos de vinilo, e os espellos de gran formato que lucen a estética do "raio de Bowie".

Grandes cancións que transcenderon a música para formar parte da identidade cultural galega —con frases profundamente locais como "Fai un sol de carallo" ou "Menos mal que nos queda Portugal" enchen o espazo de luz e cor, creando unha sensación de movemento e frescura visual que evoca a cultura de neón daqueles anos de enerxía desbordante e noites interminables.